ستوديو المصارعة(اضحك مع ممدوح فرج)

ستوديو المصارعة(اضحك مع ممدوح فرج)


تقديم الكابتن ممدوح فرج لبرنامج استوديو المصارعة الذي يذاع مساء الخميس على قناة فضائية شقيقة
نبدأ الحلقة
المقدمة : شوية صور مصارعين محطوطة وراء كابتن ممدوح و حزام موجود امامه من تفصيل واحد
ساكن ف الموسكي معرفه وصور له مطلع عضلات وحزام على كتفه بالفوتوشوب
بداية الحلقة :
السلام عليكم و رحمة الله وبركاته
اعزاءنا المشاهدين.................... ايه معانا اتصال يا عبد السلام؟
نقول :الو صديق البرنامج من اكثر من سنتين
المتصل(عنده اربع شهور): ازيك يا كابتن؟
-- الحمد لله
--ايه الحلاوة دي يا كابتن ولا احلى جلابية؟
--ربنا يخليك ده من ذوقك
--لا بس بجد امور يا كابتن
-- اها مانا لابس اللى ع الحبل بقى
--انا مشترك ف قناتك مخصوص عشان تنورنا كل خميس
--مش بس كل خميس ويوم الاربع فيgolden wrestling اوعى تنسى احسن اضربك ؟
--حاضر يا كابتن، عايزين نشوف ماتش لحضرتك يا كابتن
--ان شاء الله هجيبلك الماتش الوحيد اللى كسبته ومدفوع التمن اعرضه لك خلال الاسبوع الجاي
--ممكن اعمل اهداء يا كابتن
--اتفضل قرفتنى اخلص بقى
--اهدي الماتش لجوز عمتى المتوفي امبارح وابن اختى كريم ومابيتفرجش عليك على فكره
--الله يخليك ماهو ده العشم برضه
ينقطع الخط
ها يا عبد السلام عندنا ماتشات ولا نقطع فاصل
عبد السلام : مفيش
--فاصل اعلانى ونرجع لبعض تانى (بق ميه نفسي اتقطع)
المشهد التانى (بعد العودة من الفاصل)
--رجعنالكم بعد الفاصل وهنقدملكم حالا ماتش عرض اول لسه ماتلعبش اصلا
وبعده ماتش عرض اول برضه صحيح ذعناه كثير جدا بس الناس بتطلبه وكانت طلبته الامورة ياسمين
في عيد ميلادها المئوي وبتهديه لضحايا دنشواي وتسو نامي بقى يا ياسمين
--بس معانا اتصال الاول الحاج مكرم هوغان
--حبيب قلبي يا كابتن
--الله يخليك انت اكتر
--بقالنا زمان ماقعدناش ع القهوة سوا ياكابتن
--معلش مشاغل انت عارف انى كنت بتكرم كبطل للقرن والعرب و افريقيا ، تطلب ايه يا حاج؟
--قبل ما اطلب عايز اقول لك حاجة
--اتفضل
--انا سارق وصلة دش معدية من فوق سطحنا مخصوص عشان اتفرج عليك
--الله يكرمك
--انا بطلب ماتش بين الصخرة و الروك
--اه اكتب عندك يا عبد السلام انا فاكر الماتش ده عندنا ف الارشيف
--طب خد كلم طنط سوسو عوض عايزة تمسي عليك وعلى اهلك
--طنط سوسو: ازيك يا كابتن؟ ده انا بسهرلك يوميا لحد الفجر و اتخمد للظهر عشان تعرف معزتك عندي
--ربنا يخليكي طب اطلبي حاجة انا تحت امركم
--خد كلم ابني مرتضى بيحبك جدا يا كابتن
--هاتى ابنك تحت امرك هو قد ايه؟
--لا هو لسة ماتولدش الصراحة بس بيسلم عليك برضه
--طب سلميلي عليه
--ممكن اطلب ماتش؟
--اطلبي؟
--ماتش بين طرابل اتش و اندرتيكه لما الاتنين ماتوا بعد الماتش
--طب والله ماتوا؟ ده خبر جديد عليا انا فاكرهم توفوا.
يلا اقفل بقى يا عبد السلام وهقول الخط قطع
هنذيع الماتش ولا لسه الشريط سافف ياعبد السلام؟
نستقبل كمان اتصال من الحوامدية
اه مش هنقدر وقت البرنامج خلص بس معلش الحلقة كانت مزدحمة بالماتشات زي ماشفتوا
عسى نكون ارضيناكم واسعدناكم
باي باي